Ksi.is

Astmalyfin salmeterol (Serevent),salbutamol (Ventolin) og Formeterol (Oxis) á innöndunarformi eru ekki lengur á bannlista WADA en notkun þeirra þarf að taka fram á eyðublaði í lyfjaprófi "D3 Declaration of Medication“. Athugið að hámarksskammtur á salbutamol er 1600 µgr/24 klst og Formeterol 54 µgr/24klst. Ekki er ætlunin að neita leikmönnum sem nota aðra B-2 agónista vegna síns astma, en þá þarf að sækja um undanþágu (dæmi um lyf eru td: Bricanyl, ath ekki tæmandi listi). Fyrir alla beta-2 agónista aðra en salbutamol, salmeterol og Formeterol, gildir eftirfarandi: 1. Undanþágubeiðni fyrir notkun á innöndunar B-2 agónistum (nema salbutamol, salmeterol og Formeterol) þarf að sýna klárlega hvort greiningin er:  Áreynsluastmi (þarf bara meðferð fyrir æfingar / keppni)  Mildur eða alvarlegri króniskur astmi  Ofurnæmi loftvegar í kjölfar efri loftvegasýkingar, kemur ma. fram á æfingum (meðferð styttri en 3 mánuðir). 2. Leikmenn (í gegnum lækninn sinn) verða að láta vita um notkun á innöndunar sykurbarksterum á undanþágubeiðninni og í lyfjaprófi (D3. Declaration of medication) séu þeir kallaðir í það, læknir liðsins sé þeim innan handar með þetta. 3. Sjúkraskrá, þarf að senda með undanþágubeiðninni til undanþágunefndar UEFA, verður að innihalda eftirfarandi og endurspegla bestu klínisku starfsvenjur:  Fulla sjúkrasögu, með lýsingu á einkennum sem tengjast astma (andþyngsli, mæði, hósti, önghljóð, flaut í brjósti), áreynsluastma og almennt tengslum við áreynslu. Taka fram aðra framkallandi þætti (umhverfisáhrif, ofnæmi, og loftvegasýkingar):  Skoðun með áherslu á öndunarveg  Öndunarmælingu (spirometry), með FEV1. Peak flow er ekki nóg. (Athugið: Afrit af öndunarmælingunni þarf að fylgja)  Ef teppa, þarf að endurtaka öndunarmælingu eftir gjöf stuttverkandi B- agónista (ventolin td.) til að sýna fram á viðsnúanleika berkjunnar (bætingu á FEV1 helst 12 %). Engin bæting á FEV1 útilokar ekki astma. (Athugið: Afrit af öndunarmælingunni þarf að fylgja)  Verði ekki bæting á FEV1 með ventolini, þarf að gera áreitispróf til að sýna fram á ofurnæmi loftvegar eða áreynsluastma. Þetta má td.gera með innöndun á köldu, þurru lofti, innöndun á efnum eða áreynsluprófi. Dæmi um áreitispróf eru td. Metakólín áreitispróf, innöndun á Mannitoli, Eucapnic Voluntary Hyperpnea test, Hypertonic Saline Aerosol Challenge og Exercise Challenge Tests (field / laboratory). Athugið: Afrit af prófinu þarf að fylgja.  Fullt nafn, sérgrein, heimilisfang læknastofu (símanúmer, e-mail, fax) læknis. Ef möguleiki, þá má láta fylgja Peak Flow dagbók. T.d. Peak Flow gildi, hvenær þau voru mæld, einkenni, möguleg útsetning fyrir ofnæmisvökum, þetta allt til að styðja umsóknina. Ath. að það er mælt með þessu en þetta er ekki skilyrði fyrir samþykki undanþágubeiðni. 4. Undanþága fyrir krónískan astma/áreynsluastma verður samþykkt til 4 ára í senn. Fyrir endurnýjun á undanþágu, verður að liggja fyrir eftirlit a.m.k. einu sinni á ári á undanþágutímabilinu af lungnalækni eða öðrum lækni sem hefur reynslu af meðhöndlun á astma í íþróttafólki. Einnig verða við endurnýjun á undanþágu að liggja fyrir nýlegar niðurstöður öndunarmælingar, ekki eldri en 3 mánaða og gjarnan Peak Flow dagbók sem sendar eru til UEFA antidoping nefndar

Source: http://www.ksi.is/media/fraedsla/2014-master_Astmi-lagmarkskrofur-2011-UEFA-Yfirlesid-2014.pdf